ဧပြီ ၁၉ – ၂၀၂၁
MHS(VOM)
ကချင်ပြည်နယ်၊ မိုးညှင်းမြို့မှာ လူငယ်တွေဦးဆောင်တဲ့ ပြောက်ကြားသပိတ် ဖြိုခွင်းခံရပြီး မိုးညှင်းတက္ကသိုလ်ကျောင်းသားသမဂအဖွဲ့ဝင် ၂ ဦး ဖမ်းဆီးခံရတယ်လို့ ဒေသခံတွေဆီကနေ သိရပါတယ်။
ဖမ်းခံရတဲ့သူ ၂ ဦးဟာ ပုဒ်မ – ၅၀၅ က နဲ့ ဖမ်းဝရမ်းထုတ်ခံထားရတဲ့ ကျောင်းသူ မမြတ်နိုးဝေနဲ့ ကျော်မြင့်ထွန်းတို့ဖြစ်ပြီးတော့ မိုးညှင်းမီရထားဘူတာနားမှာ အဖမ်းခံရတာ ဖြစ်ပါတယ်။
“တစ်ယောက်က ဘူတာထဲ ပြေးဝင်ပြီး ဖမ်းခံရတာ။နောက်တစ်ယောက်က ဖုန်းဆိုင်ထဲဖမ်းမိသွားတာ”လို့ ဒေသခံတစ်ဦးက ပြောပြပါတယ်။
မိုးညှင်းမြို့မှာ ဆန္ဒပြလို့ ဖမ်းဆီးမှုတွေ ဆက်တိုက်ပြုလုပ်နေပြီး ဖမ်းဆီးခံရသူစုစုပေါင်း ၆၀နဲ့ သေနတ်ထိမှန်သေဆုံးသူ ၃ ဦး ရှိနေတယ်လို့ သိရပါတယ်။
#voiceofmyanmar #VOM #မိုးညှင်း
